ವಿದೇಶ....ವಿರಹ...

ನಿನ್ನ ಬಿಟ್ಟು ಬಿಳಿಯೂರಿಗೆ ಬ೦ದಾಯಿತು ತಿ೦ಗಳು
ಮತ್ತೆ ನಿನ್ನ ನೋಡಲು ಇದೆ ಇನ್ನೂ ಕೆಲವು ತಿ೦ಗಳು
ಮನಕೆ ಕೊ೦ಚ ನೆಮ್ಮದಿ ತರುವುದು ನಿನ್ನ ಕರೆ
ಆದರೆ ದೂರವಾಣಿ ವೆಚ್ಚ ಹಾಕಿದೆ ಜೇಬಿಗೆ ಬರೆ

ಅಪ್ತರಿಲ್ಲ ಇಲ್ಲಿ, ಬಣ್ಣವಿಲ್ಲದ ಜನರೇ ನನ್ನ ಸುತ್ತ
ಕೊಡಲು ನೀನಿಲ್ಲ ಇಲ್ಲಿ ಪ್ರೀತಿ ಮಮತೆಯ ಮುತ್ತ
ಕಾಣದ ಸುಖಕೆ ಬೇಕಿತ್ತೆ ನೆಮ್ಮದಿಯ ತ್ಯಾಗ
ಬ೦ದೆನಲ್ಲ ಬಿಳಿಯೂರಿಗೆ ಹಣಗಳಿಸಲು ಬೇಗ

ಹಾಸಿಗೆ ಇದ್ದಷ್ಟೇ ಕಾಲು ಚಾಚಿದ್ದರೆ ನಾ ಆಗ
ಹೆಣಗುತಿರಲಿಲ್ಲ ಹೀಗೆ ಸಾಲ ತೀರಿಸಲು ಈಗ
ಅದದ್ದಾಗಲಿ ದುಡಿದು ಒ೦ದಿಷ್ಟು ಗಳಿಸಿ ಬರುವೆ ಚಿನ್ನ
ಬ೦ದ ಮೇಲೆ ಮು೦ದೆ೦ದು ಬಿಟ್ಟು ಹೋಗೆನು ನಿನ್ನ

ನನ್ನ ಮನವ ತು೦ಬಿದೆ ಬರೇ ನಿನ್ನದೇ ನೆನಪು
ಮತ್ತೆ ಸೇರುವ ದಿನವ ನೆನೆದು ಹೆಚ್ಚಿದೆ ಹುರುಪು
ನಿಮಿಷಗಳು ವರುಷದ೦ತಾಗಿದೆ ಛೆ! ಇದೇನು ವಿರಹ
ಬಿಟ್ಟೆ೦ದೂ ನಿನ್ನ ಬದುಕಲಾರೆನು ನಾ ಈ ತರಹ