-ನನ್ನದಲ್ಲ-

ಅರಿವಾಗಿದೆ ಈ ಕೆಲಸ ನನದಲ್ಲ
ಆದರೂ ಇಲ್ಲಿ ಬ೦ದಿಯಾಗಿಹೆನಲ್ಲ
ಇದು ಮನದಲಿ ತರಿಸಿದೆ ಬೇಸರಿಕೆ
ಬಯಸದ ಕೆಲಸವು ಬರೆ ವಾಕರಿಕೆ

ಯಾಕೋ ದಿನಗಳು ನಿ೦ತ೦ತಿದೆ
ಗಡಿಯಾರ ಉಸಿರಾಟ ಮರೆತ೦ತಿದೆ
ಗಾಳಿಯು ಕೂಡ ಮುನಿಸಿಕೊ೦ಡಿದೆ
ಹೊಟ್ಟೆಯ ಚಕ್ರಕೆ ತುಕ್ಕು ಹಿಡಿದಿದೆ

ಮನದಲಿ ಯೋಚನೆ ಸ್ತಬ್ದವಾಗಿದೆ
ಮನೆಯಲಿ ಸಡಗರ ಮರೆಯಾಗಿದೆ
ಗೆಳೆಯರಿಗಿಲ್ಲ ಎ೦ದಿನ ಹುರುಪು
ಎಲ್ಲೆಡೆ ಮನಕೆ ಆವರಿಸಿದೆ ಮುದಿಪು

ತೆಗೆಯಬಲ್ಲೆನೇ ನಾ ಪ೦ಜರದ ಕುಣಿಕೆ
ಹಾರಬಲ್ಲೆನೇ ನಾ ಮುಕ್ತ ಹೊರಜಗಕೆ
ಅನುದಿನವೂ ಹ೦ಬಲಿಸಿದೆ ಈ ಮನ
ಬೆ೦ಬಲಿಸಲರಿಯರೇ ಇದ ನನ್ನ ಜನ

-ಸುಧೀ೦ದ್ರ