-ಅಜ್ಜ-

ಕಾಯಕವೇ ಕೈಲಾಸ ಎ೦ದು ಬಾಳಿ ತೋರಿಸಿ
ದುಖಃ ಕಷ್ಟಕೆ ಕುಗ್ಗದೆ ನಮಗೆ ಬಾಳುವುದ ಕಲಿಸಿ
ನಿರಹ೦ಕಾರದಿ ಸಾಧನೆಯ ಮೆಟ್ಟಿಲೇರಲು ಹರಸಿ
ಹೋದೆ ನೀ ಪ್ರೀತಿಯ ಶಿಸ್ತನ್ನು ನಮ್ಮ ಮನದಿ ಬರೆಸಿ

ನಿನ್ನೊಡನೆ ಒಡನಾದಲು ಕೊಟ್ಟ ಸಲುಗೆ
ಪ್ರತಿ ಕೆಲಸವ ಕಲಿಸಿದೆ ಪಾಠದ೦ತೆ ನನಗೆ
ಮಾಡಿದಾ ಕೆಲಸಕೆ ಸಿಗುತಿದ್ದ ನಿನ್ನ ಪ್ರೋತ್ಸಾಹ
ಕೊಡುತಿತ್ತು ಮು೦ದುವರಿಯಲು ಉತ್ಸಾಹ

ನೆರಳ ನೀಡಲು ಕಟ್ಟುವ ಚಪ್ಪರದ ಪಾಠ
ಕಲ್ಪವೃಕ್ಷಕೆ ನೀರುಣಿಸಲು ಕಟ್ಟೆ ಕಟ್ಟುವ ಪಾಠ
ಪ್ರೀತಿಯಿ೦ದ ಹೂತುಳಸಿ ಕೊಯ್ಯಲಿತ್ತ ಪಾಠ
ಮಾಡುವಾ ಕೆಲಸದಿ ಶೃದ್ಧೆಯಿರಿಸಲು ಪಾಠ

ನೆನಪಾಗುತಿದೆಯಿ೦ದು ದೀಪಾವಳಿಯ ಸಮಯ
ಬೆಳಗುತಿತ್ತು ನೀ ಕಟ್ಟಿದ ಗೂಡುದೀಪ ಮನೆಯ
ಚಿತ್ರಿಸಿ ಅಲ೦ಕರಿಸಿ ಮಾಡಿಸಿದೆ ಗೋಪೂಜೆಯ
ಹೇಗೆ ಮರೆಯಲಿ ನಿನ್ನೊ೦ದಿಗೆ ಬಲಿಯ ಕೂಗಿದ ಪರಿಯ

ರಜದಲಿ ನಿನ್ನ ಕೈಕೋಲಾಗಿ ನಾ ನಡೆದು ಭಜಿಸಿದೆ ಗುಡಿಯಲಿ
ಪಡೆದೆ ಶಕ್ತಿಯನಿ೦ದು ಮುನ್ನುಗ್ಗಲು ಈ ಬಾಳಲಿ
ನೆನಪಿದೆ ಮನೆಗೆ ನಾನಿನ್ನ ಎತ್ತಿಕೊ೦ಡು ಬ೦ದ ಆ ದಿನ
ಹಾರೈಸಿದೆ ನೀ ಅ೦ದು ಸಾರ್ಥಕವಾಯಿತೆನ್ನ ಜೀವನ

ಒಗ್ಗೂಡಿ ಬಾಳಲು ನಮಗೆ ನೀ ಕೊಟ್ಟ ಕೊಡುಗೆ
ತ೦ದಿದೆ ಸುಖ ಸ೦ತಸವ ನಮ್ಮೆಲ್ಲರ ಬಾಳಿಗೆ
ಮಾಡುವೆವು ನಿನಗಿದೋ ಭಕ್ತಿಪೂರ್ಣ ನಮನ
ಪಾವನವಾಯಿತು ಇ೦ದು ನಮ್ಮ ಈ ಜೀವನ

ಸ್ಪೂರ್ತಿಯಾಗಲಿ ನಮಗೆ ನೀ ಬಾಳಿದಾ ರೀತಿ
ಮನೆಯಲಿ ಎ೦ದೂ ಇರಲಿ ಸುಖ ಶಾ೦ತಿ ಪ್ರೀತಿ
ಮತ್ತೆ ಮತ್ತೆ ಸೇರುವೆವು ನಾವು ನಿನ್ನ ನೆಪದಲಿ
ಕೂಡಿ ಬಾಳುವೆವು ನಿನ್ನ ಮಧುರ ನೆನಪಲಿ